ڇلگري، انتظار حسين

انتظار حسين ڇلڳري: اديب، شاعر، سماج سڌارڪ ۽ استاد اڳواڻ، انتظار حسين ڇلگري جو اصل نالو ولي محمد ولد عبدالحليم ڇلگري آهي. سندس جنم 5 مارچ 1963ع تي ڳوٺ ڏيول، ضلعي جيڪب آباد ۾ ٿيو. سندس تعليم ايم اي (1983ع) ۽ ايم ايڊ (1997ع) آهي. 1983ع ۾ پرائمري استاد مقرر ٿيو. هن ادب ۾ لکڻ جي شروعات 1984ع کان ڪئي. هن عبدالڪريم گدائيءَ جـي زنـدگــيءَ ۽ ان جـي علمي ادبي، صحافتي ۽ ثقافتي خدمتن تي مونوگراف لکي فرسٽ ڪلاس ۾ ايم اي پاس ڪئي. 1985ع ۽ 1993ع ۾ سنڌي ادبي سنگت شاخ جيڪب آباد جو سيڪريٽري رهيو. سنڌ جي مختلف اخبارن، رسالن، ادبي مخزنن ۽ مئگزين ۾ تعليم ۽ ادب تي سندس ليک ڇپجندا رهيا آهن. جڏهن ته 1990ع ۽ 1994ع ۾ پرائمري ٽيچرس ايسوسيئشن، ضلعي جيڪب آباد جو صدر ۽ 1996ع ۾ مرڪزي جنرل سيڪريٽري ٿي رهيو.1999 ۾ پھريون ڀيرو ۽ 2016ع کان 2019ع تائين ٻيو ڀيرو پ ٽ الف (آل سنڌ پرائمري ٽيچرس ائسوسيئيشن) جو مرڪزي صدر ٿي رهيو. 1994ع ۾ شھري اتحاد جيڪب آباد جو سيڪريٽري ۽ 1992ع ۾ مهراڻ سوشل ويلفيئر سوسائٽي جيڪب آباد جو جنرل سيڪريٽري ٿي رهيو. پاڻ مختلف وقتن تي استادن جي مطالبن جي مڃتا لاءِ هڙتالن ۽ بک هڙتالن سبب جيل ياترا به ڪئي. جنهن دوران حيدرآباد، ڪراچي ۽ اسلام آباد جي جيلن ۾ قيد رهيو. کيس علمي ادبي ۽ سماجي خدمتن جي عيوض ڪيترا اوارڊ به مليل آهن. پاڻ هڪ بھترين مقرر ۽ تعليمدان طور پڻ سڃاتو وڃي ٿو. انهيءَ کان سواءِ ڪيترن ٽي وي ٽاڪ شوز ۾ تعليمي مسئلن تي شرڪت ڪندو رهيو آهي. سياسي طور قومي تحريڪ سان وابسته رهيو آهي، سنڌ جي قومپرست سياست ۾ پڻ عملي طور ڪافي عرصو متحرڪ رھيو آھي. جيئي سنڌ محاذ، جيئي سنڌ ترقي پسند محاذ ۽ سنڌ ترقي پسند پارٽي جي مرڪزي عهدن تي پڻ رهي چڪو آهي.

داخلا ۾ استعمال ٿيل تاريخون

1963.03.05  عيسوي

اديب، شاعر، سماج سڌارڪ ۽ استاد اڳواڻ، انتظار حسين ڇلگري ولد عبدالحليم جو جنم، 5 مارچ 1963ع تي ڳوٺ ڏيول، ضلعي جيڪب آباد ۾ ٿيو.

اديب - ڀاڱي جون ٻِيون داخلائون